Page 166 - Islamic Studies 07

İmam Əlinin müdiriyyəti / 165

Nəticə
Cəmiyyətin fərdlərini bir-birinə bağlayan əlaqə və
münasibətlər fərdi və sosial olmaqla iki səciyyəyə malikdir. İmam
insanlara xoşbəxt həyat bəxş etmək, onlara azadlığın ən gözəl forma
və məzmunlarını əldə edib geniş bəşəri üfüqdə yaymaq imkanı
yaratmaq üçün siyasət, hakimiyyət və idarəçiliyini fərd və cəmiyyəti
islah etməyə həsr etmişdir.
Əlinin bu istiqamətdə atdığı ilk addım haqq və düzgün olanı
təsdiq edəcəyini, yanlış və batil olanı ortadan qaldıracağını elan
etməsi idi. Əli bu addımı ilə insanları fərdi və sosial cinayətə təhrik
edə biləcək yanlış düşüncələrin qarşısını alır. Çünki onlar dostluq,
qohumluq və ya göstərdikləri xidmətlərə görə nəticəsi xalqın
zərərinə olan günahlarının bağışlanılacağına ümid bəsləyə bilərdilər.
O, xəlifəlikdən həm əvvəl, həm də sonra üzərinə düşən bu
məsuliyyəti və vəzifəni danışığı və əməlləri ilə təsdiq etmişdir. O,
xalqa – xeyirxahlığı və xeyirxahlıq amillərinin möhkəmləməsini
diqqət mərkəzində saxlayan müsbət bir nümunə təqdim etmişdir.
Özünkü və ya qeyrisi, yaxın və ya uzaq, dost və ya düşmən
olmasından asılı olmayaraq, cəza tədbirlərinin tətbiqində ciddilik
nümayiş etdirmişdir.
İmam insanların onu yaxşı tanıdıqlarından əmin idi. O bilirdi
ki, xalq onun zahidliyindən, məsumluğundan, zahidlik və ismətdən
də yüksəkdə dayanan qanun və prinsiplərə bağlılığından yaxşı
xəbərdardır. Bu nüans İmamın yaşamaq üçün vacib olan istisna
olmaqla maddi və nəfsani istəklərdən uzaq durmaq üçün göstərdiyi
yüksək diqqətlə izah edilir. Əslində, bunun başqa bir izahı da var.
İnsani hissləri və oyaq vicdanı onu çarəsizlərin, miskinlərin
sığınacağına çevirmişdi. Əli adamları zülm və əsarətdən azad
etməyə, qanuni haqları çatan hər növ ehtiyaclarını təmin etməyə
çalışırdı.
İmam özündən də əmin idi. Sarsılmaz vicdanı onu bütöv bir
çörəyin nə olduğunu bilməyən fərdlərin yaşadığı bir cəmiyyətdə
tərtəmiz bal yeməyə heç vaxt imkan verməmişdir. Hətta köhnə və
yamaqlı paltara belə ehtiyacı olan bir cəmiyyətdə heç vaxt ipək
paltar geyinməmişdir. Ona “müsəlmanların rəhbərisən” deyildiyi