Page 123 - Islamic Studies 07

İSLAM ARAŞDIRMALARI JURNALI, Üçüncü il, yeddinci sayı (payız-qış / 2024) / 122

İmam (ə) bir məktubda Azərbaycandakı nümayəndəsinə yazır:
“Nəbadə güman edəsən ki, sənə tapşırılan hakimiyyət əlinə düşmüş bir
ovdur. Xeyr! Bu, sənin bynuna qoyulmuş bir əmanətdir. Səndən üstün olan
səndən camaatın hüququnu qorumağı və ona riayət etməni istəyir. Nəbadə
1
camaat arasında zülmlə, yaxud istədiyin kimi rəftar edəsən.”
O həzrət (ə) vergiləri yığan məmurlar üçün yazılmış bir göstərişdə
bir neçə cümlə nəsihətdən və xəbərdarlıqdan sonra buyurur: “Ədalətə və
insafa riayət edin. Xalqın sizə yaxınlaşmağına imkan yaradın, səbirli olun.
Onların istəklərini yerinə yetirməkdə hövsələsizlik etməyin. Çünki siz
camaatın xəzinədarısınız, xalqın nümayəndəsi, hökumətin səfirisiniz.”
2
Malik Əştərə yazdığı məşhur göstərişində buyurur: “Xalqla
mehribanlığı qəlbinin libası et. Hamı ilə dost və mehriban ol. Nəbadə
vəhşiliyi və yeməyi fürsət görən bir yırtıcı kimi rəftar edəsən. Çünki
camaat sənin kimi müsəlmandır, ya sənin dini qardaşın, ya da ki, qeyri-
3
müsəlman və sənin kimi bir insandırlar.”
Nəhcül-Bəlağə məntiqində imam və rəhbər camaatın hüquqlarını
qoruyan və onların qarşısında məsuldur. Əgər rəhbər və camaatın
ikisindən hər hansı biri o birinin ixtiyarında durmalıdırsa, yaxud qulluq
etməlidirsə, camaat rəhbərin yox, əksinə, rəhbər camaatın ixtiyarında
olmalıdır, ona qulluq etməlidir.
Əmanətdarlığın başqa bir nümunəsi də müdirin, məsul işçinin
əmanətdar olmasıdır. Təbiidir ki, dövlət nümayəndəsinin ixtiyarında mal,
namus, heysiyyət, şərəf, abır və camaatın, xalqın həyati məsələləri
qoyulmuşdur ki, bu nümayəndə həmin əmanətləri qoruyub saxlasın.
Əmanətdarlıq nəinki yalnız maliyyə və iqtisadi məsələlərdədir. Əksinə,
nümayəndə yuxarıda sayılanların hamısında, hətta dövlət tərəfindən onun
öhdəsinə qoyulmuş çox böyük bir əmanət olan vəzifə və məqamda da
məsuliyyətli olmalıdır.
İmam Əli (ə) buyurur ki, əmanətdarlıqda əmin və bu xüsusiyyətdə
başqalarından öndə olan, məşhur olan adamı seçim zamanı başqalarından
üstün tutun.
Diqqətə layiq olan nöqtələrdən biri budur ki, müdiriyyət və
hakimliyə bir əmanət kimi baxılması həm onun geniş təsirə malik olması,
həm də onunla bağlı psixoloji məsələlər cəhətindən xüsusi əhəmiyyətə

1 Həmin yerdə, 5-ci məktub.
2 Həmin yerdə, 51-ci məktub.
3 Həmin yerdə, 53-cü məktub.