Page 119 - Islamic Studies 07

İSLAM ARAŞDIRMALARI JURNALI, Üçüncü il, yeddinci sayı (payız-qış / 2024) / 118

Giriş
“Əmanət” lüğətdə “əmn” kökündən alınmış və aramlıq, asayiş
mənasınadır. Termin olaraq isə bir şeyin başqasına tapşırılmasına və onu
qoruyacağına etimad edilməsinə deyilir. Buna görə əmanətin bir neçə
sütunu var: Əmanət verən, əmanət alan, əmanət verilən şey və
1
əmanətdarlığın şərtləri.
Əmanət həzrət Əlinin (ə) kəlamında müxtəlif təbirlərlə gəlib və
bütün bu təbirlər vahid cəhətə malikdir. Bu təbirlər aşağıdakı şəkillərdə
bəyan olunmuşdur:
- Əmanətdarlıq – əmanəti qəbul edən bir adam üçün fəzilətdir.
- Əmanətdarlıq – ona riayət edən şəxs üçün düzgünlük və səadətdir.
- Əmanətdarlıq – qoruyub saxlamaqdır (yəni, camaatın malını və
sirrini qorumaq).
- Gözəl əmanətdarlıq – insanın etiqadlarının başında gəlir.

Həzrət Əlinin (ə) nəzərində əmanətdarlıq
İmam Əli (ə) təqvalıların xüsusiyytlərindən birinin əmanətdar
olmaları və Allahın onlara əmr etdiyi şeyləri qoruyub saxlamaları hesab
2
edir və buyurur: “Təqvalı şəxs ona tapşırılan əmanəti zay etməz.”
Bu şeylərdən biri 5 namazdır.
Allah-taala buyurur: “(Vacib) namazlara, (xüsusilə) orta namaza
3
(günortadan sonrakı əsr namazına) riayət (əməl) edin.”
“Axirətə iman gətirənlər ona da iman gətirər, namazlarını da qoruyub
saxlayarlar (vaxtı-vaxtında qılarlar).”
4
Namazı qorumaq (hifz etmək) Qurana və “Məad”a (ölümdən sonrakı
həyata) inanan möminlərin xüsusiyyətlərindən hesab olunur.
Burada qorumaqda məqsəd namazın vaxtlarını, həddlərini,
qaydalarına və şərtlərinə riayət etmək, onu davamlı olaraq yerinə
yetirməkdir və qorumağın əksi isə namazda və onun xüsusiyyətlərində
süstlük, tənbəllikdir.
Həmçinin, qoruyub saxlanılması bizə vacib olan şeylərin ən
böyüklərindən biri Allahın “Kitab”ı və həzrət Peyğəmbərin (s) “Əhli-
Beyt”idir. Yəni, Səqəleyn hədisində gələn həmin iki qiymətli gövhərdir.

1 “İmam Əli (ə) nəzərindən hakimiyyət və müdiriyyətə baxış”, Əlirza İraqi, s. 22.
2 “Nəhcül-Bəlağə”, 193-cü xütbə.
3 Bəqərə-238.
4 Ənam-92.