Page 67 - Islamic Studies 07

İSLAM ARAŞDIRMALARI JURNALI, Üçüncü il, yeddinci sayı (payız-qış / 2024) / 66

soruşdum: “İndəhu ilmul-kitab” dedikdə məqsəd bu şəxsin
atasıdırmı?” Buyurdu: “Xeyr! Məqsəd Əliyyibni Əbi Talibdir ki, “və
yətluhu şahidun minh» ayəsi, eləcə də “innəma vəliyyukumullah»
ayəsi onun şə’nində nazil olmuşdur.”
Sünni və şiələr tərəfindən nəql olunan bir neçə rəvayətdə də
“Hud” surəsindəki “şahid” sözündən məqsədin Əliyyibni Əbi Talib
(ə) olduğu aşkar şəkildə bəyan edilmişdir.1 Bu ayədəki “minhu»
kəlməsinin xüsusiyyətlərinə diqqət yetirməklə onun nümunəsinin
həzrət Əlidən (ə) başqa heç kəsin olmadığı aydın olur.
İlmul-kitaba malik olmağın mahiyyəti o zaman aydın olar ki,
Qur’ani-kərimdə həzrət Süleymanın (ə) əhvalatları nəql olunarkən
Bilqeysin taxtının bir göz qırpımında gətirilməsinə diqqət yetirək.
Bu barədə buyurulur: «İlmul-kitabdan bəhrəsi olan bir şəxs dedi:
Mən onun (Bilqeysin) taxtını bir göz qırpımında gətirərəm.»2
Bu ayədən mə’lum olur ki, ilmul-kitabın bə’zi qismlərindən
agah olmağın belə qəribə tə’sirləri vardır. Buradan da ilmul-kitabın
hamısına malik olmağın nə kimi böyük tə’sirləri olduğu aydın olur.
İmam Sadiqdən (ə) nəql olunan bir hədisdə buyurulur:
«Hərgah imam müəyyən bir şeyi bilmək istəsə Mütəal Allah onu
agah edər.»3
Həmçinin o Həzrətdən (ə) nəql olunan çoxlu rəvayətlərdə
buyurulur: «Ruh Cəbraildən və Mikaildən daha böyük olan bir
mələkdir ki, Rəsuli-Əkrəmlə (s) birgə olmuş və ondan sonra da
imamlarla yanaşıdır və onu təsdid eləyir (qüvvətləndirir).»4

1 “Ğayətul məram” (qədim çap) səh 359-361.
2 “Nəml” surəsi, ayə:40.
3 “Üsuli-kafi”, 1-ci cild, səh.258
4 “Üsuli-kafi”, 1-ci cild, səh.273.