Page 223 - Pure Life 05

Real Və Virtual Aləmdə Çıxış Etmək/ 187

Nəzərdə almaq lazımdır ki, dünyada baş verən
şiddətli ixtilaflar, çəkişmələr, sosioloji problemlər, bir
sıra terror aktları və qətllər, müharibələr məhz dini
düzgün şəkildə insanlara çatdırılmamasının və
insanların cəhalət içində "dini vəzifələrini icra
etmələri" nəticəsində meydana gəlmişdir.
Burada da ilahiyyatçılar olduqca ağır məsuliyyət
daşıyırlar. Dini təbliğ edən şəxs, bilmədiyi və doğru
anlamadığı mətləbləri insanlara din adı altında təqdim
etdiyi zaman, bütün bu acı nəticələrin səbəbkarı olur.
İlahiyyatçı şəxs bilmədiyi və geniş araşdırma
aparmadığı məsələlərdə ya bu barədə yüksək təxəssüs
sahibi olan şəxslərə müraciət etməli, yaxud da dərin
elmi-dini tədqiqatdan sonra insanları yönləndirməlidir.
Səthi məlumatlarını önə çəkərək yanlış fikirlərinin
üzərində israr etməməlidir. Müqəddəs kitabımız məhz
buna görə də, daim insanları diqqətli olmağa çağırır:

"(Ey insan!) Bilmədiyin bir şeyin ardınca getmə
(bacarmadığın bir işi görmə, bilmədiyin bir sözü də demə).
Çünki qulaq, göz və ürək-bunların hamısı (sahibinin etdiyi
1
əməl, dediyi söz barəsində) sorğu-sual olunacaqdır."

1. İsra, 36.