Page 26 - Islamic Studies 07

Qədim dinlər haqqında araşdırma / 25

Qurban kəsmək.
Dünyanın hər bir yerində yaşayan xalqlar arasında Tanrı və
yaxud tanrıların qəzəbini söndürmək üçün “Qurban etmək”
mərasimi mövcuddur. Həmin qurbanlar meyvə-tərəvəz, məhsul
hədiyyə etməkdən, heyvanların, uşaqların və böyüklərin başlarının
kəsilməsindən, uşaqların oda atılmasından və buna bənzər digər
işlərdən ibarətdir. Onlar çox vaxtlar öz ölkələrinin əhalisinin
azalmamasına görə digər ölkələrə hücum edirdilər. Bəzi xalqlar
arasında bütlərə hörmət əlaməti olaraq öz namus və iffətini qurban
vermək (Hierodouleia) kimi məsələlər də mövcud idi. Hətta hal-
hazırda da Hindistan qadınları Vişni məbədində saçlarını tam
kəsdirməklə öz gözəlliklərini həmin bütə qurban verirlər.
Torpağa şərab tökmək (Libation) həmişə şərab içənlərin
adətlərindən biri olmuşdur və Tövratda da (Xüruc, 29:41 və....) bu
məsələyə işarə edilmişdir.
Sonralar insanların qurban edilməsi adəti aradan qalxdı və
yalnız heyvanların qurban kimi kəsilməsi adəti qaldı. Amma yaxın
zamanlara qədər bəzi yerlərdə insanların qurban verilməsi adəti
yaşayırdı. Artıq heç bir ölkənin qanunları belə vəhşiliklərin həyata
keçirilməsinə icazə vermir. Bəzən kütləvi informasiya vasitələrində
Hindistanın bəzi kəndlərində və digər yerlərdə bir bütpərəstin
polisin gözündən yayınaraq öz övladını büt üçün qurban kəsməsi,
yaxud kəsmək istərkən başqalarının bu işə əngəl törətməsi barədə
xəbərlər yayımlanır. Qeyd etmək lazımdır ki, hal-hazırda belə
cinayət törədən şəxslər ağır cəzalandırılırlar.
Ola bilsin Allah-taala İbrahim Xəlilullaha (ə) Onun yolunda
övladını qurban verməyi əmr etməklə tövhid əhlinin öz məbudunu
az sevmədiyini göstərmək istəyib.
Dinlər haqqında elm nöqteyi-nəzərindən övladların qurban
verilməsini iki şey əvəz etmişdir: Birincisi uşaqların sünnət
edilməsi, ikincisi isə heyvanların qurban kəsilməsi. İbrahimdən (ə)
başlayan dinlərdə bu iki adət birbaşa Həzrət İbrahimə (ə) aid edilir.