Page 29 - Islamic Studies 07

İSLAM ARAŞDIRMALARI JURNALI, Üçüncü il, yeddinci sayı (payız-qış / 2024) / 28

Hiro Hitodur. Qeyd etmək lazımdır ki, imperatorluq onun öz istəyi
ilə 1946-cı ildə ləğv olunmuşdur.1
Misir Fironları (Yapon imperatorları kimi) Günəş tanrısının
nəslindən olan tanrılar kimi qəbul edilirdilər və onlara sitayiş
edilməsinin əsas səbəbi də elə bundan ibarət idi.

4. Babilistan (Vavilon)
Babilistan uzun illər boyu sivilizasiya, mədəniyyət və elmin
mərkəzi olmuşdur və bu şəhərin adı Yəhudilərin və Xristianların
müqəddəs kitablarında yer almışdır. Qurani-Kərimdə də (“Bəqərə”
surəsi, ayə 102) Babil adı qeyd olunmuşdur. Cəbr, bir çox riyazi və
elmi məsələlər Babilistan mədəniyyətində yaranaraq günümüzə
qədər gəlib çatmışdır.

2-1. Babilistanda baş verən dini dəyişikliklər
İraqın müxtəlif ərazilərində aparılan arxeoloji qazıntılar zamanı
çoxlu sayda tanrı heykəli tapılmışdır və dünyanın müxtəlif
muzeylərinə göndərilmişdir. Bu tanrılar Animizmin inkişaf etmiş
formasının nümunələri idi.
Babilistan fetişizmdən müxtəlif tanrılara sitayişə qədər olan
rəngarəng etiqad yolu keçmişdir. Bu tarixi dönəm təxminən dörd
min il çəkmişdir. Sonda Ay, Günəş və planetlərin nümayəndələri
olan ruhlara sitayiş mərhələsi meydana çıxmışdır. Amma tarixin
əksər dönəmlərində tanrıların ən üstünü və ən böyüyü Mərdux
olmuşdur.

2-2. Babilistan üçlüyü
Babilistanlıların saysız-hesabsız tanrıları arasında altı tanrı
digərlərindən daha çox tanınmağa başladı. Onlar iki üçlüyə
bölünərək sitayiş olunmağa başladılar. Birinci üçlüyə Anu (səma
tanrısı), Enlil (hava və müharibə tanrısı) və Eaa (su tanrısı) və ikinci

1 Yamaykada da “Rastafərinlər” Efiyopiyanın sabiq imperatoru Haylasilasinin
müqəddəsliyinə inanaraq ona sitayiş edirdilər. Onun hakimiyyəti 1974-cü ildə baş
vermiş çevriliş zamanı süquta uğradı. 1975-ci ildə edam edilməsinə baxmayaraq ona
sitayiş edən insanların əqidəsi dəyişmədən qaldı.