Page 215 - Pure Life 05

Real Və Virtual Aləmdə Çıxış Etmək/ 195

Ay camaat! Cəfər ibn Məhəmməd (ə) Allah-təalanı
gözlə görməyin heç bir zaman mümkün olmayacağını
deyir. Halbuki, hər bir varlıq gözlə görülə bilər.
Bəhlul Danəndə bunu eşidib, yerdən bir kəsək
götürərək xətibin başına vurdu. Başı yarılan xətib
qazinin yanına şikayətə getdi.
Qazi Bəhluldan soruşdu: Bu kişi sənə nə pislik
edibdir ki, onu bu hala salmısan?
Bəhlul dedi: O, insanların öz əməllərində ixtiyar
sahibi olmadıqlarını və bütün əməllərin birbaşa Allah
tərəfindən icra olunduğunu iddia edir. Əgər belədirsə
mənim təqsirim yoxdur. Çünki onun başını mən deyil,
Allah yarıbdır.
Onun söylədiyinə görə eyni cinsdən olan əşyalar
bir-birinə mənfi təsir qoya bilməz. Elə buna görə də,
şeytan odda yanmaz. Çünki o özü oddan yaranıb. Mən
də bu torpaq kəsəyi onun başına vurdum. Mənə elə
gəldi ki, onun başı yarılmaz. Çünki insan da torpaqdan
yaranıb.
Onun dediyinə əsasən, hər bir şey gözlə görülməlidir.
Ondan soruş ki, başının ağrısını görə bilər, ya yox?
1
Zaman-məkan və dinləyici faktı
İlahiyyatçı şəxs mənəvi görüşlərini insanlara anlatmaq
istədiyində, zaman, məkan, şərait, mühit və
dinləyicinin ümumi mövqeyini və qavrama amilini
nəzərdə almalıdır.

1. "Ənvari-Nomaniyyə", c. 2, səh. 265.