Page 211 - Pure Life 05

Real Və Virtual Aləmdə Çıxış Etmək/ 199

Qəlbində müqəddəs məkanlara sevgi-məhəbbət
bəsləyən insanlar yola düşdükləri zaman, yaxud
ziyarət etdikdən sonra pak könüllə, təmiz ürəklə və ən
ülvi, gözəl hisslərə sahib olduqları üçün, mənəvi
cəhətdən hazır olduqlarına görə öyüd-nəsihəti daha tez
qəbul edəcəklər.
Yas mərasimlərində, məzarları ziyarətə gedildiyi
zaman, xüsusi həssaslıqla insanları paklığa, axirət
aləminin haqq olmasına, dünyanın faniliyinə və
əməllərimizdəki məsuliyyətinə diqqət çəkmələri
barəsində məlumatlandırmaq da faydalıdır.
Həmçinin, ruhani öyüd-nəsihətini münasib zamanı
gəlib çatmadığı təqdirdə, qarşı tərəf onu dinləməyə və
sözünün qəbul etməyə hazır olmadığı halda
söyləməməlidir. Çünki doğru zamanda və məkanda
olmayan fəaliyyət və söylənilməyən söz olduqca
mənfi təsir qoya bilər. Həzrət Əli (ə) buyurur:
"(Bağındakı) meyvəni yetişməmişdən öncə dərən şəxs,
1
başqasının torpağında əkinçilik edən kəs kimidir."
İmamın (ə) bənzətməsi nə qədər incə və gözəldir.
İnsan başqasının torpağında icazəsiz əkin əkərsə, onun
əksül-əməli necə olacaq? Əlbəttə ki, mənfi! O, bu əməlini
heç bir vəchlə qəbul etməyəcək və etiraz edəcəkdir.
Həmçinin, başqasının torpağında icazəsiz əkin
əkdiyimiz təqdirdə, onun məhsulu artıq bizim
sayılmayacaqdır. Bir sözlə səyimiz və zəhmətimiz
nəticəsiz olacaqdır.

1. əl-Həyat, c. 1, səh. 315.