Page 197 - Pure Life 05

Real Və Virtual Aləmdə Çıxış Etmək/ 213

3. Dunya müsəlmanları arasında bir çox əqidə və
əhkam ixtilafları mövcuddur. Sünnü məzhəbi bir
neçə dəstəyə bölünür ki, onların ən məşhuru
Hənəfi, Şafei, Maliki və Hənbəli təriqətləridir.
Həmçinin şiə məzhəbi də Zeydi, İsmaili və Vaqifi
adlı bir sıra təriqətlərə bölünür. Əlbəttə, bu
bölgülər şiə və sünnünün tanınmış etiqadları
əsasındadır. Tanınmamış etiqadlarına gəldikdə isə
onların sayı saysız-hesabsızdır. Təəssüf doğuran
hal budur ki, şiə-sünnü və bu iki məzhəbin adı
altında olan bir çox fikirlər, müsəlmanların
diqqətsizliyi nəticəsində yaranmışdır. Əgər
müsəlmanlar İslam dininin müqəddəs kitabı olan
Quran, İslam Peyğəmbəri (s) və onun Əhli-
beytinin (ə) buyurduğu əsasında, habelə ağıl və
məntiq yolu ilə düzgün formada hərəkət etsəydilər,
hal-hazırda vahid bir ümmət olaraq qalardılar.
Daha təəssüf yaradan hal budur ki, bəzən
müsəlmanların dinin hansısa bir sadə məsələsində
ixtilafları olarkən, onu həll etmək əvəzinə kənara
çəkilib özləri üçün müxtəlif məsləklər yaradırlar.
Nə isə, bunların hamısı tarixin yaralarıdır. Onun
məlhəmi isə yalnız müsəlmanlar arasında olan ziddiyyətləri
kənara qoyub, vahid bir ümmətə çevrilmələridir. Necə ki,
Allah-taala Qurani-kərimdə buyurur:
"Siz vahid bir ümmətsiniz. Və mən sizin Rəbbinizəm.
Məndən qorxun!"
1

1. Möminun surəsi, 52.