Page 202 - Pure Life 05

(
/
208 PURE LIFE, Vol.3.No.5, (Ramadan Al-Mubarak 1437. Khordad 1395. June 2016)

O yol, İslamın həqiqi maarifini, gözəlliklərini,
insana verdiyi dəyəri və bu kimi faktorları ortaya
qoyaraq, dinimizin məntiq və əxlaq sahəsində
bütün dinlərdən üstün olmasını, son ilahi və kamil
din olduğunu açıqlamaqla mümkündür. Bu iş üçün
də insanları oxumağa həvəsləndirmək lazımdır.
Doğrudan da, kitab oxumaq, ideal cəmiyyətin
təməl prinsipidir. Mütaliə etmək, dinindən, irqindən,
yaşından, mövqeindən, kişi və qadın olmasından aslı
olmayaraq hər insanın həyatının bir parçası olmalıdır.
Elm olmayan yerdə inkişaf və tərəqqidən söhbət
gedə bilməz. "Oxu" əmri bəşəriyyətə ilk ilahi
mesajdır. Bu gün bir çox müsəlman ölkələrinin
fundamental problemi elmə və təhsilə yetərincə
əhəmiyyət göstərməmələridir. Halbuki heç bir dini
və ya fəlsəfi məktəb İslam dini qədər elmə, alimə,
tələbə və müəllimə dəyər verməmişdir.
İslam, alimin mürəkkəbini şəhidin qanından belə
üstün saymışdır. Təbii ki, insani dəyərlərə xidmət edən
və mütəxəssis şəxslər tərəfindən qələmə alınmış
kitablardan söhbət gedir. Əks təqdirdə, yalnış məlumatlar
sadəcə cəhalətin çoxalmasına xidmət göstərər.
Qısaca desək, dünyanın sürətlə qloballaşmağa
tərəf getdiyi yolda, müdrik insanın əsas vəzifəsi
müsəlman xalqının intellektual səviyyəsini
yüksəltmək üçün səy göstərməsidir. Bu işdə
səhlənkarlıq olarsa, yadellilər İslam ümmətini öz
əcnəbi mədəniyyətləri ilə təsir altına salmağa can
atacaqlar.